اللہ کے نام سے شروع جو بہت مہربان رحمت و تفسیر صراط الجنان { بِسْمِ اللّٰهِ : اللہ کے نام سے شروع ۔} علامہ احمد صاوی رَحْمَۃُاللہ تَعَالٰی عَلَیْہِ فرماتے ہیں:قرآن مجید کی ابتداء’’ بِسْمِ اللّٰهِ ‘‘سے اس لئے کی گئی تاکہ اللہ تعالٰی کے بندے اس کی پیروی کرتے ہوئے ہر اچھے کام کی ابتداء ’’ بِسْمِ اللّٰهِ ‘‘ سے کریں۔ ( صاوی،الفاتحۃ، ۱ / ۱۵) اور حدیث پاک میں بھی(اچھے اور)اہم کام کی ابتداء ’’ بِسْمِ اللّٰهِ ‘‘ سے کریی کی ترغیب دی گئی ہے،چنانچہ حضرت ابو ہریرہ رَضِیَ اللہ تَعَالٰی عَنْہُ سے روایت ہے،حضورپر نور صَلَّی اللہ تَعَالٰی عَلَیْہِ وَاٰلِہ وَسَلَّمَ نے ارشاد فرمایا: ’’جس اہم کام کی ابتداء ’’ بِسْمِ اللّٰهِ الرَّحْمٰنِ الرَّحِیْمِ ‘‘ سے نہ کی گئی تو وہ ادھورا رہ جاتا ہے۔ ( کنز العمال، کتاب الاذکار، الباب السابع فی تلاوۃ القراٰن وفضائلہ، الفصل الثانی ۔۔۔ الخ، ۱ / ۲۷۷ ، الجزءالاول، الحد...